Peter F. Heering Classic Kokteilkeppni – Langar þig að taka þátt í klassískri áskorun?

Peter F. Heering Classic er alþjóðleg kokteilkeppni sem haldin er árlega.  Keppnin fer fram í fjórum hlutum. Tíu keppendur eru valdir áfram til að keppa til undanúrslita á London Cocktail Week í október og þar af fimm sem komast áfram og keppa til úrslita.

Hvernig á að taka þátt?

Veldu klassískan kokteil og búðu til þitt eigið tvist á hann (kokteillinn verður að innihalda Cherry Heering). Taktu mynd og sendu ásamt uppskrift á classics.heering.com/2016  frá 18. apríl til 22. maí.

Í júní er einn vinningshafi valin frá hverju landi.  Í ágúst eru svo tíu úr þeim hópi valdir áfram til að keppa til undanúrslita í byrjun október á London Cocktail Week. Úr þeim tíu manna hópi eru fimm sem komast áfram og keppa í úrslitum þann 6. október. Vinningshafinn hlýtur €500, Stelton hristara og alþjóðlega kynningu og umfjöllun.

Peter F. Heering greiðir flug og gistingu fyrir þá tíu keppendur sem valdir eru til að keppa í undanúrslitum í London í október.