Opna nýjan veitingastað á Klapparstíg í Reykjavík

Miklar breytingar verða gerðar á rýminu og því skipt upp í tvo staði.

Verktakafyrirtækið Þingvangur hefur selt húsnæðið sem áður hýsti Skelfiskmarkaðinn. Reynsluboltar í veitingahúsarekstri hafa nú tekið það á leigu og áforma að opna þar nýjan veitingastað og bar.

Félag á vegum fjórmenninganna Arnars Þórs Gíslasonar, Andra Björnssonar, Loga Helgasonar og Óla Más Ólasonar hefur tekið fasteignina að Klapparstíg 28-30 á leigu. Hyggjast þeir opna þar tvo nýja staði í sumar.

Um er að ræða húsnæðið sem áður hýsti Skelfiskmarkaðinn, en þeim veitingastað var lokað varanlega í mars 2019 eftir að hafa verið í rekstri í um það bil hálft ár, að því er fram kemur í Markaðnum í fréttablaðinu sem fjallar nánar um málið hér.

Mynd: facebook / Skelfiskmarkaðurinn