Norræna nemakeppnin haldin um helgina | Fylgist vel með á Snapchat

Nú stefna metnaðarfullir nemendur á að keppa fyrir Íslands hönd í Norrænu nemakeppninni sem fram fer í Kaupmannahöfn dagana 20. – 21. apríl 2018 í Hótel og matvælaskólanum þar í landi.

Framreiðsla

Sigurður Borgar og Axel Árni Herbertsson eru framreiðslunemar ársins 2017

Í framreiðslu keppa Sigurður Borgar nemi á Radisson Blu Hótel Saga og Axel Árni Herbertsson nemi í Bláa lóninu.

Matreiðsla

Hinrik Lárusson og Steinbjörn Björnsson eru matreiðslunemar ársins 2017

Í matreiðslu Hinrik Lárusson nemi á Radisson Blu Hótel Saga og Steinbjörn Marvin Björnsson nemi á Hörpu,

Úrslit verða kynnt formlega á hátíðarkvöldverði á laugardaginn n.k. á veitingastaðnum Påfuglen í Tívolíinu í Kaupmannahöfn.

Fylgist vel með á Snapchat: veitingageirinn

Veitingageirinn.is fylgist vel með og færir ykkur fréttir í máli og myndum alla helgina.

Meðfylgjandi myndir eru frá keppni um titilinn Framreiðslu-, og Matreiðslunemi ársins 2017, sem haldin var föstudaginn 22. september 2017 í Hörpu. Myndir tók ljósmyndarinn Jón Svavarsson.