Noma valinn besti veitingastaður heims

Rene Redzepi, eigandi Noma

Eftir að hafa hægt og rólega klifið upp S.Pellegrino top 50 listann yfir bestu veitingahús í heimi, hafnaði Noma í Kaupmannahöfn í 1.sæti nú í kvöld við verðlaunaafhendingu í London.

Orðrómur komst af stað strax um helgina að tíðinda væri að vænta vegna útkomu listans en athygli vakti í vor að Noma sem hefur státað af 2 stjörnum í Michelin kladdanum síðastliðin ár skildi ekki hljóta þá þriðju.

Mikill fögnuður braust út í London meðal Noma hópsins sem viðstödd voru verðlauna afhendinguna íklædd bolum með mynd af uppvaskaranum Ali sem starfað hefur á Noma síðan 2003. Ali sem er frá Ghana fékk ekki vegabréfsáritun til Englands.

Glæsilegur árangur Redzepis og starfsfólks Noma, og óskum við Freistingarmenn þeim innilega til hamingju.

Topp tíu á listanum

1. Noma
2. El Bulli
3. The Fat Duck
4. El Celler de Can Roca
5. Mugaritz
6. La francescana
7. Alinea
8. Daniel
9. Arzak
10. Per Se

Höfundur: Ragnar Eiríksson