Nói Síríus innkallar fleiri vörur

Best fyrir dagsetningar merktar bláar eru viðbót.

Eins og fram kom í fyrri tilkynningu frá Nóa Sírus varð bilun í vélbúnaði sem varð til þess að ákveðið var innkalla ákveðnar súkkulaðiplötur, þar sem ekki var hægt að útiloka að plast hefði borist í þær.

Til þess að gæta fyllstu varúðar hefur Nói Síríus ákveðið að bæta við, bæði vörum og best fyrir dagsetningum við innköllunina.

Um er að ræða þrjár stærðir af Síríus Rjómasúkkulaði og þrjár stærðir af Síríus Suðusúkkulaði.

Plastið sem kann að hafa farið í súkkulaðið er ýmist blátt eða bleikt að lit og ætti því að vera sjánlegt neytendum þegar varan er opnuð. Tekið skal fram að umræddur vélbúnaður hefur verið lagfærður og því um einangruð tilvik að ræða. Nói Síríus fylgir ströngum gæðastöðlum og gerðar hafa verið ráðstafanir til að útiloka að sambærilegt tilvik komi upp aftur.

Neytendur sem hafa keypt tilgreindar vörur eru beðnir að skila þeim inn í verslun eða á skrifstofu Nóa Síríusi að Hesthálsi 2-4.

Nói Síríus harmar þau óþægindi sem þetta kann að hafa valdið neytendum.

Nánari upplýsingar veitir Nói Síríus: noi@noi.is, sími 575 1800.

Tegundir sem um ræðir: Vert er að taka fram að bæði strikamerki og best fyrir dagsetning verður að vera sú sama til þess að um innköllunarvöru sé að ræða.  Best fyrir dagsetningar merktar bláar eru viðbót, sem sjá má á myndinni hér að ofan.