Milljarðaviðskipti með vín – hvernig snertir það veitingageirann? – Vinarchy tekur völdin

Campo Viejo verður hluti af Vinarchy – Vínvörumerkið Campo Viejo, eitt þekktasta rauðvín Spánar, er nú komið undir nýjan fána eftir að Pernod Ricard seldi víneignasafn sitt. Nýja fyrirtækið Vinarchy sameinar fjölmörg þekkt merki og stefnir á að verða leiðandi afl í víniðnaði heimsins.

Franska framleiðslufyrirtækið Pernod Ricard hefur lokið sölu á alþjóðlegu víneignasafni sínu til Australian Wine Holdco Limited (AWL), sem á áður Accolade Wines. Við sameiningu þessara eigna hefur nýtt alþjóðlegt vínfyrirtæki, Vinarchy, verið stofnað.  Samkvæmt tilkynningu frá Pernod Ricard mun fyrirtækið áfram dreifa vínum úr þessum eignasafni í nokkra mánuði til að tryggja hnökralausa yfirfærslu.

Vinarchy – Nýtt stórveldi í víniðnaði

Vinarchy sameinar eignir Accolade Wines og víneignir Pernod Ricard í Ástralíu, Nýja-Sjálandi og Spáni. Meðal þekktra vörumerkja í þessu eignasafni eru Jacob’s Creek, Orlando og St Hugo frá Ástralíu; Brancott Estate, Stoneleigh og Church Road frá Nýja-Sjálandi; og Campo Viejo, Ysios, Tarsus og Azpilicueta frá Spáni.

Sjá einnig: Danny Celoni stýrir nýju risafyrirtæki Vinarchy

Fyrirtækið framleiðir yfir 32 milljónir níu lítra kassa árlega og rekur 11 víngerðir í Ástralíu, Nýja-Sjálandi, Suður-Afríku og Spáni.

Þetta þýðir að árleg nettósala Vinarchy, sem nemur yfir 1,5 milljörðum ástralskra dollara, um 123 milljarðar íslenskra króna. Þessi tala undirstrikar umfang og vægi nýja fyrirtækisins á alþjóðlegum víniðnaði sem starfar í mörgum löndum með yfir 1.600 starfsmenn.

Stefnumótun Pernod Ricard

Sala víneignasafnsins er hluti af stefnu Pernod Ricard um að einbeita sér að framleiðslu og sölu á hágæða alþjóðlegum áfengistegundum og kampavíni. Með þessari aðgerð hyggst fyrirtækið styrkja stöðu sína á þessum markaði og auka arðsemi.

Pernod Ricard hefur staðið í ströngu að undanförnu, þar sem verkföll og mótmæli hafa skekið kampavínsframleiðsluna – sjá nánar hér.

Hafa breytingarnar áhrif á Ísland?

Veitingageirinn.is leitaði til Jóns Erlings Ragnarssonar, framkvæmdastjóra Mekka wines & spirits, og spurði hvort sala víneigna Pernod Ricard hefði áhrif á markaðinn hér á landi – til að mynda varðandi vinsæla vörumerkið Campo Viejo.

„Það eru engar sérstakar fréttir tengdar þessari sölu Pernod Ricard og áhrifin á Íslandi eru því engin. Framtíðin er síðan alltaf óskrifað blað, en vonandi verða þessar breytingar bara til góðs fyrir íslenska veitingamenn og neytendur – sem hafa elskað þessi frábæru vín í áratugi,“

segir Jón Erling í samtali við Veitingageirinn.is.

Framtíð Vinarchy

Vinarchy stefnir að því að verða leiðandi afl í alþjóðlegum víniðnaði með áherslu á nýsköpun og vöxt. Fyrirtækið hyggst nýta stærð sína og fjölbreytt vörumerki til að mæta breyttum neysluvenjum og auka markaðshlutdeild sína á lykilmarköðum, sérstaklega í Asíu.

Með þessari sameiningu hefur nýtt stórveldi í víniðnaði litið dagsins ljós, sem lofar spennandi þróun fyrir neytendur og aðra aðila í greininni.

Mynd: aðsend / Pernod Ricard / fréttatilkynning