Metnaðarfullur hamborgarastaður opnar í Mathöll Höfða – Máni Snær: „Þetta konsept varð til í eldhúsinu mínu á nokkrum árum“

Nýr og metnaðarfullur hamborgarastaður opnaði í Mathöll Höfða nú á dögunum og ber heitið Beef & Buns. Nánast allt er unnið frá grunni, allt fyrir utan franskarnar. Hamborgarabrauðin eru bökuð daglega og steikur hakkaðar daglega.

Aðaleigandi staðarins, Máni Snær Hafdísarson, er sálfræði menntaður og starfar á Landspítala en nýtur þess að dunda sér í eldhúsinu í frítíma og þar varð Beef & Buns hamborgarinn til eftir nokkurra ára tilraunastarfsemi.

Máni Snær Hafdísarson

„Þetta konsept varð til í eldhúsinu mínu á nokkrum árum.“

Segir Máni Snær og bætir við:

„Ferlið var líkt og í vísindatilraun þar sem mismunandi nautasteikur voru vigtaðar, hakkaðar, og blandað saman í ótal mismunandi hlutföllum þar til fullkomið bragð og áferð náðist.

Margar brauðuppskriftir voru bakaðar, hrært var í tugir tegundir sósa, allskyns cheddar ostar voru smakkaðir og gúrkur voru sýrðar á mismunandi máta.“

Útkoman er vægast sagt gómsæt og vildi Máni deila henni með fleiri en fjölskyldu sinni og fékk til þess sér til liðs fyrrum skólafélaga sinn og kokkinn Pétur Kristjánsson, úr varð Beef & Buns.

Opnunartími er: mán til sun frá klukkan 11:30 – 21:00

Instagram: @beef_and_buns

Myndir: aðsendar