Málmhlutur fannst í chile con carne

Matvælastofnun varar neytendur við neyslu á einni lotu af chili con carne frá Happ vegna þess að neytandi fann aðskotarhlut úr málmi í vörunni. Heilbrigðiseftirlitið í Reykjavík sendi upplýsingar til Matvælastofnunar um málið og hefur fyrirtækið Rotissier ehf. sem framleiðir vöruna innkallað lotuna af markaði.

Innköllunin á einungis við eftirfarandi lotu:

• Vörumerki: HAPP
• Vöruheiti: Chili Con Carne
• Strikamerki: 5694230 224981
• Nettóþyngd: 700 g
• Best fyrir: 11. júlí 2019
• Framleiðandi: Rotissier ehf.
• Dreifing: Krónan Granda, Krónan Lindir, Krónan Mosó, Krónan Flatahraun, Krónan Bíldshöfða og Krónan Selfossi.

Viðskiptavinum sem hafa keypt vöruna er bent á að neyta hennar ekki og farga eða skila henni þar sem hún var keypt. Nánari upplýsingar má nálgast hjá Rotissier í síma 820-0019 eða netfanginu [email protected].