Lokaundirbúningur Landsliðsins er hafinn

Já nú er pressan að byrja að myndast, og stuttur tími í keppni en liðið komið á tærnar í undirbúningsvinnunni og í tilefni af fyrsta fundi KM og að það var stjórnarfundur NKF á sama tíma stillti liðið upp kalda hlutanum upp í skólanum síðastliðinn  fimmtudag við mikla hrifningu manna.

Undirritaður lenti í því ásamt Bjarka að fara yfir borðið og krítisera og get sagt það hér og nú að öllu ólöstuðu þá er þetta eitt það allra besta sem ég hef séð af köldu borði liðsins í gegnum tíðina, og segi ég bara til hamingju og gangi ykkur allt í haginn í Erfurt.

Eftirtaldir skipa landsliðið sem fer til Erfurt:

• Bjarni Gunnar Kristinsson, Grillið RadissonSAS Hótel Saga
• Ragnar Ómarsson, Domo
• Alfreð Ómar Alfreðsson, Kaupþing banki
• Gunnar Karl Gíslasson, Vox Hilton Nordica
• Eyþór Rúnarsson, Veitingastaðurinn Ó
• Hrefna Rós Jóhannsdóttir, Sætran Fiskmarkaðurinn
• Þórarinn Eggertsson, Orange
• Þráinn Freyr Vigfússon, Grillið RadissonSAS Hótel Saga
• Örvar Birgisson, Nýja Kökuhúsið
• Karl Viggó Vigfússon, GV Heildverslun

Aðstoðarmenn eru:

• Vigdís Ylfa Hreinsdóttir Sjávarkjallaranum
• Guðlaugur Frímannsson   Fiskmarkaðinum
• Óli Ágústsson  Vox Hilton Nordica
• Þórður Matthías Þórðarson, Salthúsið Restaurant
• Daníel Cochran Jónsson, Fiskmarkaðurinn

Hafið í huga að Laugardaginn  13. september í Smáralind stillir liðið upp kalda borðinu í síðasta sinn fyrir Þýskalandsför og hvet ég menn til að koma og kíkja á afrakstur þeirra og ekki síður að sýna stuðning í verki.