Kynnti franska kökugerðarlist og sykurskreytingu í Hótel- og matvælaskólanum

Franski kökugerðarmeistarinn, Jacquy Pfeiffer, var staddur hér á landi á vegum franska sendiráðsins.

Jacquy kynnti franska kökugerð í Hagkaupum í Kringlunni, sagði sögu um franska kökugerð í Alliance Française og bauð fólki að smakka á krásum eftir hann.

Jacquy Pfeiffer er einn fremsti kökugerðarmeistari í heimi en hann hefur starfað við mörg af fremstu veitingahúsum í heimi og rekur nú skóla í franskri kökugerð í Chicago. Hann hefur hlotið margar og miklar viðurkenningar fyrir list sína, bæði í Frakklandi og í Bandaríkjunum.

Jacquy kíkti við í Hótel og matvælaskólann í Kópavogi þar sem hann skoðaði skólann og kynnti nemendum heimsklassakökugerð eins og sjá má á meðfylgjandi myndum og myndbandi hér að neðan.  Um 40 nemendur í matreiðslu og bakstri mættu í kennslustund hjá Jacquy.

„Hann sýndi bíómynd fyrir hádegi, Kings of pastry og svaraði spurningum eftir sýninguna. Eftir hádegi var hann fyrst og fremst að sýna okkur sykurvinnu sem hann er mjög fær í. Talaði við nemendur á meðan svaraði spurningum og sagði reynslusögur frá keppnum og kennslu. Mínir nemendur voru mjög ánægðir og við vorum síðan að leika okkur aðeins með sykur þann dag.

Sagði Ásgeir Þór Tómasson bakarameistari og kennari í Hótel- og matvælaskólanum í samtali við veitingageirinn.is.

Myndir og vídeó: Ásgeir Þór Tómasson