Kveldúlfur Bjór og Bús lokar – „.. á meðan þessi óvissa með veirufjandann er í gangi“

Barinn Kveldúlfur Bjór og Bús á Siglufirði verður lokaður næstu vikurnar, en ákvörðunin var tekin í ljósi stöðunnar í samfélaginu. Það var hedinsfjordur.is sem greindi fyrst frá.

„Þannig að það er sama hvað Ríkisstjórnin okkar gerir í sóttvarnarmálum og reglum verður barinn hjá okkur lokaður næstu 2 til 3 vikurnar og svo sjáum við til hvaða reglur eru í gildi þá.

Ekki óskastaða en svona er þetta nú bara samt.

Klárumþettaeinusinnienn.“

Segir m.a. í tilkynningu frá Kveldúlfi.

Kveldúlfur Bjór og Bús er staðsettur við hliðina á rakarastofunni, Hrímnir Hár og Skegg. Eigendur barsins og rakarastofunnar eru hjónin Jón Hrólfur Baldursson og Ólöf Kristín Daníelsdóttir.

Mynd: facebook / Hrímnir Hár Og Skeggstofa