Jóhannes Kristjánsson hefur hafið störf hjá Bako Verslunartækni (BVT)

Jóhannes Kristjánsson

Jóhannes Kristjánsson hefur verið ráðinn sem nýr sviðsstjóri Stóreldhúsa- og veitingasviðs (HORECA) félagsins og hefur nú þegar hafið störf.

Jóhannes er hokinn af reynslu á þessu sviði eftir 20 ára starf sem sölumaður og sölustjóri, fyrst hjá A. Karlssyni og síðan hjá Fastus. Hann hefur því yfirgripsmikla þekkingu á þessu sviði auk þess að vera matreiðslumaður í grunninn og skilur því vel þarfir markaðarins. Í gegnum árin, þá hefur Jóhannes komið að hönnun og útfærslu á stórum hluta þeirra atvinnueldhúsa sem starfrækt eru á Íslandi.

“Það er mikill fengur fyrir okkur að fá Jóhannes með í stjórnendateymið hjá BVT og ég er klár á því að hann muni spila stórt hlutverk í þeirri vegferð að gera Bako Verslunartækni að fyrsta valkosti hjá hótel- og veitingageiranum á Íslandi,”

segir Sverrir V. Hauksson, forstjóri BVT.