Játuðu stuld á 350 kg af humri

Tveir einstaklingar sem brutust inn í frystigám við húsnæði Humarsölunnar í Reykjanesbæ hafa játað verknaðinn, en um 350 kílóum af humri var stolið.

Í tilkynningu frá lögreglunni sem að mbl.is birti fyrst, kemur fram að ljóst sé að annar mannanna hafi selt eitthvert magn áður en lögreglan hafði hendur í hári mannanna. Hefur lögregla ekki endurheimt nema hluta þýfisins.

Sjá einnig: Stolinn humar í umferð

Á vef mbl.is kemur fram að sannsókn málsins er á lokastigum, en lögregla beinir því til fólks að kaupa ekki humar sem grunur gæti legið á að væri illa fenginn.

Mynd: Smári / Veitingageirinn.is