Íslenska lambið er án erfðabreytts fóðurs | Fyrsta búgreinin til að banna GMO í fóðri á Íslandi

Íslenskir sauðfjárbændur tóku ákvörðun 2016 að setja bann á notkun erfðabreytts fóðurs í sauðfjárrækt. Það er mat íslenskra sauðfjárbænda að betra sé að standa utan þess að tengjast notkun GMO í fóðri og banna það með öllu í sauðfjárbúskap hérlendis.

Íslensk sauðfjárrækt er hágæða matvælaframleiðsla og unnin á smáum fjölskyldubúum sem treysta á náttúruna og beit á villtum gróðri. Erfðabreytingar í landbúnaði eru umdeildar og sitt sýnist hverjum í alþjóðlegri umræðu.

Þó má klárlega tengja GMO við verksmiðjubúskap og eiturefnanotkun í landbúnaði og framleiðendur berjast víða hart fyrir því að matvæli sem innihalda GMO verði ekki merkt sem slík.

Kröfuharðir neytendur sækja í auknum mæli í matvæli sem eru náttúruleg og í þann hóp vilja framleiðendur íslenska lambakjötsins markaðssetja sínar afurðir.

Vídeó