Ísland sópar að sér verðlaunum á EM í súkkulaði

Um þrjátíu manna dómnefnd heiðraði nýjastu afurð Omnom með gulli, en Black n´ Burnt Barley kom út í maí á þessu ári.

Omnom súkkulaði sópaði að sér verðlaunum á Evrópumóti í súkkulaðigerð í gær. Omnom hlaut 11 verðlaun, þar á meðal 5 gullverðlaun.

Gullverðlaunahafar Evrópumótsins fá þátttökurétt á alþjóðlegu súkkulaðihátíðinni sem fer fram seinna á árinu. Alþjóðlegu súkkulaðiverðlaunin eru mestu heiðursverðlaun sem súkkulaði getur hlotið.

Lakkrís + Salt

Um þrjátíu manna dómnefnd heiðraði nýjastu afurð Omnom með gulli, en Black n´ Burnt Barley kom út í maí á þessu ári. Einnig vann eitt vinsælasta súkkulaði Omnom, Lakkrís + Salt til gullverðlauna sem og Milk of Madagascar. Öll þessi súkkulaði munu keppa til verðlauna seinna á árinu.

„Þetta er svolítið eins og að vinna EM í súkkulaði. Við erum ótrúlega hamingjusöm og hrærð yfir þessum mikla heiðri. Svona verðlaun eru mikil viðurkenning fyrir ungt og íslenskt fyrirtæki.“

segir Kjartan Gíslason súkkulaðigerðarmaður.

Milk of Madagascar

Listi yfir verðlaun:

Mikrólögun – Hreint/ Unnið úr upprunabaun – mjólkursúkkulaði
Gullverðlaun fyrir Milk of Madagascar

Bragðbætt hvítt súkkulaði
Gullverðlaun Lakkrís + Sea Salt
Silfurverðlaun fyrir Coffee + Milk

Viðbætt hvítt súkkulaði (t.d. hnetur, súkkulaði, karamella)
Gullverðlaun fyrir Black n’ Burnt Barley

Míkrólögun – Hreint/upprunabaun mjólkursúkkulaði
Gullverðlaun: Súkkulaðiframleiðandi fyrir Milk of Madagascar
Gullverðlaun: Keypt beint af bónda Milk of Madagascar

Míkrólögun – Hreint/upprunaland dökkt súkkulaði
Silfurverðlaun fyrir Madagascar 66%
Silfurverðlaun fyrir Tanzania 70%

Hreint/upprunaland dökkt mjólkursúkkulaði (Sem inniheldur 50% kakó eða meira )
Bronsverðlaun fyrir Dark Milk of Tanzania
Bronsverðlaun fyrir Milk of Nicaragua

Viðbætt mjólkursúkkulaði (t.d hnetur, súkkulaði, karamella)
Bronsverðlaun fyrir Caramel + Milk

Kjartan Gíslason súkkulaðigerðarmaður og einn af stofnendum Omnom súkkulaði

Myndir: Omnom Chocolate