Ísafold Bistro – Bar & Spa er nýr veitingastaður við Þingholtsstræti

Úlfur Uggason

Ísafold Bistro – Bar & Spa er nýr veitingastaður staðsettur í hjarta Reykjavíkur á Center Hotel Þingholti.  Matseðillinn er árstíðarbundinn og er því afskaplega fjölbreyttur með vönduðu íslensku hráefni.

Staðurinn opnaði í apríl s.l. og tekur 68 manns í sitjandi borðhald.  Yfirmatreiðslumaður er Úlfur Uggason og yfirþjónn er Harpa Magnúsdóttir.  Opnunartími er 17:00 – 00:00 alla daga.

Innblástur hönnunar veitingastaðarins er íslensk náttúra með hrauni, mosa og fossum.  Sérstaða Ísafold Bistro – Bar & Spa er eins og nafnið gefur til kynna nálægð veitingastaðarins við SPA sem staðsett er rétt inn af veitingastaðnum og býður því upp á möguleika á ýmiss konar mannamótum þar sem matur og vellíðan eiga saman.

Afmarkað herbergi er staðsett rétt inn af veitingastaðnum og er gestum Ísafold Bistro kleift að nýta herbergið fyrir einkaborðhald þar sem tilvalið er að byrja á að fara í SPA og njóta svo góðra veitinga að því loknu.

Myndir: af facebook síðu Ísafold Bistro – Bar & Spa.