Nýr matseðill á Ísafold | Birgjar veitingastaðarins sérvaldir með velferð dýra og náttúru að leiðarljósi

Ísafold Restaurant

6 rétta matseðill

Ísafold Restaurant sem staðsettur er á Þingholtsstrætinu í Reykjavík hefur að undanförnu verið að vinna að miklum breytingum og þar á meðal komin með nýjan matseðil og á honum er meðal annars 6 rétta seðil á 8.990 kr.

Í nýja matseðlinum er lagt áherslu á að bjóða upp á ferskt íslenskt gæðahráefni og eru birgjar veitingastaðarins sérvaldir með velferð dýra og náttúru að leiðarljósi, sem önnur veitingahús ættu að taka til fyrirmyndar.

Matargerðin er norræn og réttirnir bornir fram á einstaklega fallegan máta og oft á tíðum með skemmtilegu „twisti“ eins og sjá má á meðfylgjandi myndum:

Humarsúpa og bláskel frá Stykkishólmi

Hægelduð íslensk andabringa frá Kanastöðum í Landeyjum.
Borin fram með timian kartöflum, sveppasalati og kraftmiklum Madeira gljáa.

Hvít og dökk súkkulaðimús með kókoskexi og berjum

Úlfur Uggason

Yfirmatreiðslumaður er Úlfur Uggason.

Á Ísafold bar er einnig nýbúið að fara yfir vínseðilinn og á honum er úrval af gæðavínum ásamt skemmtilegum kokteilum og einstaklega góðu úrvali af viskí víðs vegar úr heiminum, en vínseðilinn er hægt að skoða með því að smella hér.

Nánari upplýsingar um Ísafold er að finna á www.isafoldrestaurant.is

Myndir: Ragnar Visage.