Frétt

Innkalla danskar bjórdósir sem geta sprungið

Birting:

4 ár síðan

þann

29.07.2022

Eftir

Matvælastofnun varar við einni framleiðslulotu af Mosaic IPA frá Albani Bryggerierne vegna þess að bjórdósir geta bólgnað og sprungið. Dista ehf. og ÁTVR hafa innkallað bjórinn í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness (HEF).

Innköllunin á eingöngu við eftirfarandi framleiðslulotu:

Vörumerki: Albani
Vöruheiti: Mosaic IPA, 330 mL
Best fyrir dagsetning: 11.05.2023
Strikamerki: Á dós: 5741000171387, á kassa með 24 dósum: 5741000156100
Framleiðandi: Albani Bryggerierne, Tværgade 2, 5100 Odense C í Danmörku
Innflytjandi: Dista ehf. Ásbúð 9, 210 Garðabæ
Dreifing: Verslanir ÁTVR

Þau sem eiga þessa vöru, með fyrrnefndri best fyrir dagsetningu, eru beðin um að farga henni eða skila henni í næstu Vínbúð og fá hana þar bætta. Ef umbúðir vörunnar eru bólgnar er rétt að leiðbeina um að opna umbúðirnar að viðhafðri fyllstu varúð.

Mynd: mast.is

Tög:2022 Matvælastofnun

Smári Valtýr Sæbjörnsson

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Hægt er að hafa samband við Smára á netfangið [email protected] Skoða allar greinar höfundar hér >>