Íhuga að gera tilraunir á Dill – Borðapantanir fuðruðu upp með tilkomu kórónuveirunnar

Dill restaurant

Þrátt fyrir að farið sé að birta til í kórónuveirumálum Íslendinga segjast aðstandendur veitingastaðarins Dills enn vera langt frá landi. Um það bil 85 prósent allra viðskiptavina hafi verið erlendir ferðamenn og að þrír mánuðir af bókunum hafi fuðrað upp með tilkomu kórónuveirunnar.

„Það var allt fullt hjá okkur þrjá mánuði fram í tímann, staðurinn var fullbókaður. En um leið og vírusinn skall á sáum við hundruð bókana hverfa og við vorum orðin galtóm viku seinna.“

segir Gunnar Karl Gíslason annar stofnenda Dills í samtali við visir.is sem fjallar nánar um málið hér.

Gunnar Karl Gíslason

Því segir Gunnar Karl að til skoðunar sé að gera tilraunir á Dill, ekki síst til að laða að Íslendinga sem til þessa hafa aðeins sótt staðinn til að fagna stórum áföngum. Hugmyndir séu uppi um að breyta Dill í „vínbar“ tvo daga í viku,

„þar sem við yrðum með létta og skemmtilega rétti, góð vín og jafnvel lifandi tónlist. Við myndum reyna að halda í það sem Dill stendur fyrir en gera staðinn aðgengilegri og hversdagslegri.“

Myndir: Dill restaurant / Aðsend