Himneskir Helvítis Hálfmánar

Himneskir hálfmánar með Helvítis elpiparsultufyllingu, nánar um sulturnar hér.

60-80 stk

Deig:
500 gr hveiti
200 gr sykur
½ tsk kanill
½ tsk kardimommur
½ tsk hjartarsalt
1 egg
200 gr linnt smjör
1,5 dl mjólk
1-2 egg notuð til að pensla kökur.
Helvítis eldpiparsulta að eigin vali

Aðferð:

Settu hveiti, sykur, kanil, kardimommur og hjartarsalt saman í hrærivélarskál og blandaðu.

Stilltu hrærivélina á lágan hraða og með hnoðarann í gangi bættu við mjólkinni, smjörinu og egginu.

Þegar deigið er komið saman þarf að setja matarplast utan um það og geyma í kæli yfir nóttu.

Ofninn stilltur á 190°C (miðað við blástursofn).

Gott er að strá smá* hveiti á borðið áður byrjað er að fletja út deigið.

Hluti af deiginu er flattur út í einu, þar til það er ca 3 mm þykkt.

Stungnar eru út hringlaga kökur, ég nota 8 cm stóra hringi, en hægt er að nota aðrar stærðir en það hefur þá áhrif á heildarfjöldann.

Ofan á hringlaga kökurnar er svo sett ca tsk af sultu í miðjuna og kakan er brotin saman og endunum er lokað með fingrum svo þétt með gaffli**.

Næst eru kökurnar settar á plötu með bökunnarpappír og penslaðar með eggi.

Kökurnar eru svo bakaðar í miðjum ofni í ca 12 mínútur***.

* Ef það er notað of mikið þá geta kökurnar opnast í bakstrinum.
** Gott er að hafa smá hveiti á gafflinum svo hann festist ekki við kökuna.
*** Ofnar geta verið mismunandi gott er að gera prufu á nokkrum til að meta hvort þurfi að aðlaga tímann.

Ívar Örn Hansen

Höfundur er Ívar Örn Hansen eða Helvítis kokkurinn eins og hann er betur þekktur.