Hefur þú „keppnis“ áhuga á matreiðslu?

Ertu lærður matreiðslumaður, matreiðslunemi eða pastry-kokkur? Hefur þú gaman af því að elda í góðra vina hópi, skiptast á bransasögum og ferðast til útlanda? Ef svo er þá gætir þú átt erindi í Kokkalandsliðið!

Nú er rétta tækifærið. Kokkalandsliðið mun keppa á heimsmeistaramótinu í matreiðslu sem haldið verður í Lúxemborg haustið 2022 og fram undan er strangt og skemmtilegt æfingaferli. Við leitum að kokkum, desert/pastry-kokkum og nemum sem hafa mikinn áhuga og metnað fyrir mat og getu til að taka þátt í ógleymanlegri lífsreynslu sem gerir okkur öll að betri fagmönnum.

Ekki er skilyrði að hafa tekið þátt í keppni áður en vilji og geta til hópvinnu og að tilheyra sterkri liðsheild er algjört lykilatriði.

Allir sem hafa áhuga á að taka þátt eru hvattir til að senda inn umsókn og ferilskrá á [email protected]

Við leitum einnig að ungliðum sem verða yngri en 23 ára 2022.

Fyrir frekari upplýsingar hafið samband á [email protected]

Auglýsingapláss

Björn Bragi, forseti Klúbbs matreiðslumeistara