Halldór Hafliðason keppir til úrslita á Ólympíuleikum matreiðslunema í dag – Bein útsending

Halldór Hafliðason í undankeppninni.
Halldór keppti á mánudaginn s.l. þar sem hann fór í gegnum hæfnispróf með því að framkvæma ákveðna skurði (Julienne, Brunoise, Jardiniere, Paysanne og Macedoine) og eldaði síðan fyllt pasta með sósu og í eftirrétt Crème caramel með ávaxtasósu.

Í dag föstudaginn 4. febrúar fer fram úrslitakeppni á Ólympíuleikum matreiðslunema. Ólympíuleikarnir fara fram rafrænt en keppnin hefur venjulega verið haldin á Kolkata á Indlandi áður en kórónuveiran kom til sögunar.

Halldór Hafliðason keppir fyrir hönd Íslands og honum til aðstoðar eru Kristvin Þór Gautason og Dagur Gnýsson.

50 lönd tóku þátt í undanúrslitunum sem fram fóru fyrr í vikunni og 10 lönd komust áfram og þar á meðal Ísland.

Halldór keppir í dag klukkan 12:00 á íslenskum tíma þar sem hann á að elda kjúklingarétt fyrir fjóra og nota að minnsta kosti 50 prósent af eftirfarandi hráefnum:

Því næst gerir Halldór súkkulaðieftirrétt með eftirfarandi hráefni:

Tímarammi er 2 klst.

Þjálfari er Ægir Friðriksson matreiðslumeistari og kennari í Hótel-, og matvælaskólanum.

Bein útsending

Úrslit verða kynnt á morgun laugardaginn 5. febrúar og verður veitingageirinn.is á vaktinni og flytur ykkur fréttir um leið og þær berast.

Lokaæfing fyrir stóra daginn.
F.v. Dagur Gnýsson, Kristvin Þór Gautason og Halldór Hafliðason

Fleiri fréttir frá Ólympíuleikum matreiðslunema hér.

Mynd: facebook / Young Chef Olympiad

Myndir: Ægir Friðriksson matreiðslumeistari