Frábær árangur í Global Chef Challenge – Hinrik Örn og Andrés tryggja sér sæti í Global Chef Challenge 2026

F.v. Sigurður Helgason, þjálfari, Jafet Bergman Viðarson, Andrés Björgvinsson, Hinrik Örn Lárusson, Bjarki Snær Þorsteinsson og María Ósk Steinsdóttir

Í dag lauk undankeppni Evrópu fyrir Global Chefs Challenge sem haldin verður í Wales 2026.  Keppnin stóð yfir í þrjá daga og keppt var í fjórum flokkum þar sem Ísland tók þátt í þremur þeirra, Vegan Global Chef Challenge þar sem fulltrúi Íslands var Bjarki Snær Þorsteinsson, Turninn 19. hæð, keppti og naut aðstoðar Maríu Ósk Steinsdóttir, Lux veitingar.

Sjá einnig: Global Chefs Challenge fer fram á Ítalíu

Junior Global Chef Challenge en þar keppti Jafet Bergman Viðarson, Torfhús Retret, og í Global Chef Challenge keppti Hinrik Örn Lárusson, Lux veitingar, með dyggri aðstoð Andrésar Björgvinssonar, Lux veitingar.

Sjá einnig: Fyrsta keppnisdegi Global Chefs Challenge lokið á Ítalíu

Hinrik bestur í Norður Evrópu

Besta árangri íslands náðu Hinrik Örn og Andrés en þeir gerðu sér lítið fyrir og unnu í keppninni Global Chef Challenge fyrir norður Evrópu og þar með rétt til að keppa í Wales 16. til 19. maí 2026.

Sjá einnig: Hinrik og Andrés skila glæsilegum réttum í Global Chefs Challenge – Myndir

Þeir félagar höfðu 2 tíma til að elda tvo rétti þar sem skylduhráefni voru Sterling lúða, kálfahryggjarvöðvi og kálfalifur.  Alls voru 19 keppendur sem tóku þátt og hlutu 6 þeirra gull viðurkenningu fyrir rétti sína.  Í öðru sæti var Tommy Jespersen frá Danmörku  og í þriðja sæti var frá Emil Persson frá Svíþjóð.

Forréttur:

Bökuð Sterling lúða með humarfarsi & fennel fræjum

Freyðandi lúðusósa með kampavíni og ristuðu næringargeri

Grænmetispressa með heslihnetum og möndlukremi

Blómkál í smjörsósu og ristað blómkálsmauk

Sýrður rjómi með eplum, piparrót og dillsósu

Aðalréttur:

Pönnusteiktur kálfahryggvöðvi með grill gljáa

Ofnbakaðir sveppir & sveppafylling ásamt kálfalifrarfroðu

Gullauga kartöflur & Feykir

Sýrður laukur, laukflan & brokkolí ragú með saltaðri sítrónu

Kálfasoðsósa

Bjarki  og Jafet báðir í þriðja sæti

Bjarki og Jafet sem eru í Íslenska Kokkalandsliðinu kláruðu báðir í 3. sæti í sínum flokkum.  Vegan keppnin sem er tiltölulega ný en þetta var í annað skiptið sem hún var haldin.

Sjá einnig: Ísland vekur athygli með framúrskarandi vegan réttum á Ítalíu

Alls voru 12 keppendur sem tóku þátt að þessu sinni en enginn skylduhráefni voru í flokknum,  Sigurvegari, norður Evrópu, var Daninn Bjarke Jeppesen og Valerija Cudova frá Lettland lenti í öðru sæti.

Í Junior keppninni voru 14 keppendur en keppendur í flokknum voru ekki með aðstoðarmann og höfðu eina klukkustund til að útbúa einn rétt úr kálfahryggjarvöðva og kálfalifur.  Þar sigraði Trym Karlsen frá Noregi en Svíinn Benjamin Hellström lenti í öðru sæti.

Réttarlýsing Bjarka

Forréttur:

Ravioli með tófu- og skessujurtar fyllingu

Tómatseyði

Þurrkaðir tómatar

Valhnetur

Stökk salvía

Aðalréttur:

Jarðskokkapressa

Kartafla með linsubaunafyllingu

Vatnsdeigsbakstur með svepparagú

Gljáð gulrót

Ragú með sojabaunum, kantarellum og kínóa

Pólentufroða

Sveppa- og laukgljái

Réttarlýsing Jafets

Steiktur kálfa hryggvöðvi.
Pönnusteiktir sveppir & sveppafylling, kálfalifrarfroða, kartöflumauk, gljáðar gulrætur, steikt grænkál, sýrður perlulaukur, kálfasoðsósa.

Myndir: aðsendar