Fersk, fljótleg og fullkomin – Bruschetta dýfa með rjómaosti

Ég er búin að sjá margar mjög girnilegar útgáfur af þessum rétti á samfélagsmiðlum og varð að prófa. Þessi útgáfa slær í gegn og tekur enga stund að útbúa. Rjómaosturinn er svo bragðgóður og nú er um að gera að nota vel þroskaða sumartómata, rista brauð og bera fram sem forrétt eða snarl með góðum drykk, segir Helena Gunnarsdóttir, matgæðingur hjá Gott í matinn.

Bruschetta dýfa

1 dós, 200 g rjómaostur með graslauk og lauk frá MS

3-4 stórir tómatar eða blanda af litlum og stórum

2 msk. ólífuolía

1 msk. balsmikedik

fersk basilíka eftir smekk

salt og pipar

focaccia eða snittubrauð

Aðferð:

1. Setjið rjómaostinn í djúpan disk eða skál og dreifið vel úr honum.
2. Skerið tómatana í bita, blandið saman við ólífuolíu, balsamikediki, ferska basilíku og smakkið til með salti og pipar.
3. Hellið blöndunni yfir rjómaostinn og berið fram með grilluðu focaccia, snittubrauði eða jafnvel kexi.