Eldsnögg hvítsúkkulaðiostakaka með bláberjasultu og bláberjum

Ragnar Freyr Ingvarsson einnig þekktur sem Læknirinn í eldhúsinu birtir á heimasíðu sinni girnilega uppskrift af hvítsúkkulaðiostaköku.

Hráefnalisti fyrir sex

400 g rjómaostur
1 peli rjómi
200 g hvítt súkkulaði
175 g digestive kex
3 blöð gelatín
75 g haframjöl
100 g smjör
2 msk hunang
6 msk bláberjasulta frá Grétu í Stykkishólmi
6 msk fersk bláber

Aðferð

Bræðið fyrst súkkulaðið yfir vatnsbaði.

Bætið pela af rjóma saman við bráðið súkkulaðið.

Svo setti ég 3 gelatín blöð saman við heitan rjóman og bráðið súkkulaðið.

Setti rjómaostinn í skál og þeytti þar til hann varð mjúkur.

Þá fer súkkulaðirjóminn saman við rjómaostinn og blandað vel saman. Lét svo skálina inn í ísskáp til að kólna.

Þá var kexið sett í matvinnsluvél og hrært saman við haframjölið.

Þvínæst bætti ég bráðnu smjöri saman við kexmulninginn og svo hunangi. Lét svo standa í nokkrar mínútur.

Setti svo kexblönduna í skálar.

Þá tyllti ég matskeið af sultunni hennar Grétu ofan á kexblönduna.

Og þakti svo kexið og sultuna með súkkulaðiblöndunni. Setti svo skálarnar í ísskápinn.

Mynd: laeknirinnieldhusinu.com