Centrum stækkar með nýrri viðbót í gamla Pósthúsbarnum

Centrum Kitchen & Bar á Akureyri.
Mynd: Smári / Veitingageirinn.is

Veitingastaðurinn Centrum á Akureyri eykur starfsemi sína með nýrri viðbót í húsnæði gamla Pósthúsbarsins. Nýja rýmið verður opnað formlega föstudaginn 28. febrúar kl. 20:00.

Garðar Kári Garðarsson, einn af fremstu kokkum Íslands og margverðlaunaður meistarakokkur, hreppti meðal annars titilinn Kokkur ársins 2018 og stendur nú að baki þessari spennandi viðbót við veitingastaðinn Centrum.
Mynd: Sigurjón Ragnar Sigurjónsson

Garðar Kári Garðarsson, veitingamaður og forsprakki breytinganna, segir að mikið hafi verið lagt í hönnun og val á litum, efnum og áferð til að skapa einstakt veitingasvæði fyrir gesti.

Viðbótin mun innihalda sérhannaðan „Lounge“ matseðil með smáréttum, auk þess sem barþjónar hafa þróað sérstaka kokteila sem verða aðeins í boði á þessum stað.

Nýju opnunartímarnir verða eftirfarandi:

• Fimmtudaga: 16:00-00:00
• Föstudaga & laugardaga: 16:00-01:00

Á þessum dögum verður einnig boðið upp á lifandi tónlist og viðburði. Áætlað er að hafa opið alla daga yfir sumartímann.

Lesa má meira um málið á Kaffid.is.