Bransadagar – „…endum svo vikuna á brjáluðu bransapartíi“

Bransadagar Iðunnar fara fram í fyrsta sinn í ár með fjölbreyttri fræðslu helgaðri sjálfbærni í iðnaði. Á bransadögum koma saman ólíkar iðngreinar og setja sjálfbærni í brennidepil; prent- og miðlunargreinar, matvæla- og veitingagreinar, byggingar- og mannvirkjagreinar, málm- og véltæknigreinar og bílgreinar.

Dagana 9. og 10. nóvember verður boðið upp á stafræna fyrirlestra á vefnum frá innlendum og erlendum sérfræðingum í sjálfbærni og umhverfismálum í iðnaði. Við endum svo vikuna á brjáluðu bransapartíi í húsnæði Iðunnar að Vatnagörðum 20, föstudaginn 11. nóvember nk.

Bransapartí

Húsið opnar kl. 15:00 með skemmtilegri dagskrá.

• Guðlaugur Þór Þórðarson, ráðherra umhverfis-, orku og loftslagsmála fjallar um grænan iðnað
• Sonja Rut Aðalsteinsdóttir, service development manager og Sigurður Örn Alfonsson, sustainability specialist kynna sjálfbærnivegferð Marels
• Kynning á verkefninu orkuskipti.is
• Uppistand
• Frikki Dór stígur á svið
• Júlladiskó sér um að þeyta skífum
• Veitingar frá Lady Brewery og Kokkunum

Aðgangur í partíið er að sjálfsögðu ókeypis en það þarf að skrá sig.

Mynd: úr safni