Bjarkey Olsen gefur út aðgerðaáætlun matvælastefnu Íslands

Bjarkey Olsen Gunnarsdóttir matvælaráðherra hefur gefið út aðgerðaáætlun matvælastefnu Íslands.

Matvælastefna til ársins 2040 var samþykkt á Alþingi í júní 2023 og er ætlað að vera leiðbeinandi við ákvarðanatöku til að stuðla að aukinni verðmætasköpun í matvælaframleiðslu, tryggja fæðu- og matvælaöryggi og auka velferð fólks í sátt við umhverfi og náttúru.

Sértækar aðgerðaáætlanir á einstökum málefnasviðum eru:

•  Aðgerðaáætlun Lands og lífs – landgræðsluáætlunar og landsáætlunar í skógrækt 2022-2026
• Aðgerðaáætlun landbúnaðarstefnu (í vinnslu)
• Aðgerðaáætlun stefnu um uppbyggingu og umgjörð lagareldis (í vinnslu)
• Aðgerðaáætlun sjávarútvegsstefnu (í vinnslu)

Í áætluninni er einnig að finna fimm aðgerðir sem liggja þvert á aðrar undirstefnur og er vinna við þær hafin eða fyrir liggur ákvörðun um að ráðast í þá vinnu.

Aðgerðirnar eru að mestu eða öllu leyti fjármagnaðar og eru eftirfarandi:

• Söfnunarkerfi fyrir dýraleifar
• Stöðumat markmiða um verndun líffræðilegrar fjölbreytni
• Mótun aðgerða um neyðarbirgðahald á matvælum og nauðsynlegra aðfanga vegna matvælaframleiðslu
• Matvælaeftirlit verði samræmt
• Árangur af stuðningi Matvælasjóðs mældur

Aðgerðaáætlunin miðast við næstu fimm ár og verður endurskoðuð árlega og uppfærð ef þörf þykir. Aðgerðaáætlunin var í opnu samráði á Samráðsgátt stjórnvalda í febrúar 2024 og bárust alls 18 umsagnir sem tekin var hliðsjón af eins og unnt var. Umsagnir verða einnig hafðar til hliðsjónar við árlega yfirferð áætlunarinnar.

 Áætlunina má nálgast hér.

Mynd: úr safni