Ánægður með hafragrautinn hjá Landspítalanum

Gamli góði hafragrauturinn er góð leið til að byrja daginn enda hollur og góður. Síðan er hægt að setja hafragrautinn í sparibúning og bjóða upp á ferska ávexti með.

Margir hverjir hafa heyrt frásagnir um að maturinn á spítalanum væri bæði góður og vondur.

Í facebook grúppunni Matartips kom ein spurning:

„Er einhver með eldunaraðferðina af hafragrautnum hjá Landspítalanum?“

Það mátti sjá í skrifum hjá meðlimum í grúppunnar að þeir tóku þessa spurningu sem kaldhæðni en svo var aldeilis ekki, því að neðar í færslunni skrifaði sá sami sem kom með spurninguna:

„Ástæðan fyrir þessari fyrirspurn er sú að Ég gat engan veginn komið grautnum sem amma gerði fyrir mig niður og þar með hef ég aldrei borðað svona graut en þessi á lansanum er ætur og eiginlega mjög góður.
Svo reyndi ég að gera svona graut heima um daginn og þá var hann jafn ógeðslegur og hjá ömmu í denn“

Ánægjulegt að sjá þegar fólk lofar góða þjónustu

Mynd úr safni og tengist efninu ekki beint.