Alvotech kokkarnir buðu upp á hrollvekjandi kræsingar – Uppskrift: Rauð flauelskaka með rjómaostakremi

Synir Loga kíktu í heimsókn í vinnuna hjá pabba

Mötuneytið í Alvotech er þekkt fyrir að bjóða upp á fjölbreyttar, hollustu- og bragðgóðar máltíðir, en allt annað var upp á teningnum hjá mötuneytinu nú á dögunum.

Boðið var upp á hrekkjavöku mat í tilefni Hrekkjavöku, en hátíðin verður haldin hátíðleg á morgun, fimmtudaginn, 31. október.

Kokkarnir hjá Alvotech elda fyrir 550 manns á hverjum degi, þar sem boðið er upp á nýbakað súrdeigsbrauð á hverjum degi með þeyttu smjöri, pestó og hummus.

Tvisvar í viku er fiskur á boðstólnum, kjötréttir að minnsta kosti tvisvar í viku ásamt léttum réttum á mánudögum. Vegan réttur er í boði alla daga vikunnar, vegan-bar með 3 mismunandi elduðum salötum. Einnig er fullhlaðinn salatbar og súpa í boði á hverjum degi svo fátt eitt sé nefnt.

„Á svona dögum gerum við enn betur og gerum okkur glaðan dag. Hér settum við upp skemmtilegt Halloween þema þar sem við skreyttum salinn og buðum upp á hrollvekjandi mat.“

Sagði Logi Brynjarsson yfirmatreiðslumeistari Alvotech hress í samtali við veitingageirinn.is.

Boðið var upp á BBQ rif, franskar, blóðsúpu (rauðbeðu) red velved köku, nammibar, útskorin grasker og í þau var settur þurrís til að gera þetta enn hryllilegra. Matseðilinn er hægt að skoða hér að neðan.

Uppskrift og vídeó

Logi slettir „blóði“ á kökuna:

Meðfylgjandi er uppskriftin af Red velvet cake eða rauða flauelskakan með rjómaostakremi

Uppskrift: Rauð flauelskaka með rjómaostakremi

Athugið að þetta er uppskrift fyrir stóreldhús. (3,5 kg í gastro) (15 gastro í sviga)

825 g hveiti (12,375kg)
54 g maizena (810g)
42 g kakóduft (630g)
1,5 tsp matarsódi (12g)
3 tsp lyftiduft (23g)
1,5 tsp salt (12g)
258 g smjör (3,87kg)
423 g olía (6,345liter)
1032 g sykur (15,48kg)
180g egg (2,7kg)
36 g vanilla dropar (540g)
4,5 tsp hvít edik (33g)
114 g rauður matarlitur (1,7liter)
474 g súrmjólk (7,11liter)

Rjómaostakrem (2,1 í gastró) (15 gastro í sviga)
450 g smjör mjúkt (6,75kg)
1140 g flórsykur (17,1kg)
570 g rjómaostur (8,55kg)
3 msk vanilludropar (22g)
3 tsk sítrónusafi (10g)

Aðferð

Hita ofninn í 160 °C á blæstri
Sigta allar þurrvörur
Þeyta smjör egg og olíu þar til létt og ljóst
Eggjum bætt út í smjörið smá og smá í einu
Vanilla, edik og matarlit blandað við smjörið
Blandað rólega helmingnum af þurrvörum við smjör blöndu. Þá blandast öll súrmjólkin við. Að lokum restin af þurrvörum og blandað rólega.

Myndir: aðsendar