Vertu memm

Nýtt bakarí, veitingahús, fisk- og kjötbúð og hótel

Akur er nýr veitingastaður við Hafnartorg

Birting:

þann

Akur er nýr veitingastaður við Hafnartorg

Böðvar Lemacks, yfirkokkur og einn eiganda Akurs

Akur, veitingastaður og vínbar hefur opnað á Hafnartorgi. Akur er á jarðhæð Austurhafnar, við Bryggjugötu 4A og er hluti af hinu stækkaða Hafnartorgssvæði á milli Lækjartorgs og Hörpu. Úr gluggum Akurs er afar skemmtilegt útsýni yfir gömlu höfnina.

„Formleg opnun á staðnum verður eftir nokkrar vikur þegar að Gallerýið á Hafnartorgi opnar en þar sem staðurinn er nú þegar tilbúinn, ákváðum við að taka smá þjófstart,“

segir Böðvar Lemacks, yfirkokkur og einn eiganda Akurs, um opnunina.  Hann segir sérstöðu Akurs einkum vera sterk áhrif frá frönsku eldhúsi og norrænum kröfum um hráefnaval.

Akur er nýr veitingastaður við Hafnartorg

Matseðillinn er síbreytilegur til að tryggja að sem ferskast hráefni hverju sinni.

„Val á hráefni er númer eitt, tvö og þrjú á Akri“,

segir hann og bætir við

„Hráefnið og meðferð þess skiptir höfuðmáli;  þess vegna horfum við mikið til árstíðanna, hvar og hvenær íslenskt hráefni nýtur sín best og mótum svo matseðilinn eftir því. Hann verður því síbreytilegur og í stöðugri mótun eftir því hvað við höfum að vinna með hverju sinni“.

Akur er nýr veitingastaður við Hafnartorg

Sjálfur hefur Böðvar mikla reynslu af veitingarekstri en hann hefur undanfarin ár rekið veitingastaðinn Kröst sem staðsettur er á Hlemm mathöll. Þar áður vann Böðvar m.a. á Argentínu, Apótekinu & Grillmarkaðnum.

Hann á ekki langt að sækja áhugann á matreiðslu því í fjölskyldunni eru margir kokkar og áhugi á mat og matreiðslu afar mikill.  Með Böðvari í eldhúsinu er hinn danski John Steen Pedersen, yfirkokkur á Akri. Hann hefur m.a. unnið á  Dill, Agern í NY og D.O.M. í Sao Paulo.

Akur er nýr veitingastaður við Hafnartorg

Eitt af því einkennir Akur er gríðarlega gott úrval vína en á vínlistanum verða yfir 200 víntegundir.

„Frakkland og vínsvæði í nágrenni Frakklands verða í aðalhlutverki á vínlistanum, sem verður stór á alla mælikvarða. Við munum einkum bjóða upp á vín frá Champagne & Bourgougne í Frakklandi“

, segir Böðvar.

„Þeir sem við kaupum frá eru gjarnan minni vínframleiðendur sem hafa mikla ástríðu fyrir framleiðslu sinni og nota lífræna aðferðafræði við ræktun verða í aðalhlutverki. Þess má að lokum geta að frá hinum einstaka framleiðanda Koehler-Ruprecht Pfalz í Rínarlandi koma margar útgáfur af þurrum Riesling vínum.“

Heimasíða: www.akur-restaurant.is

Akur er nýr veitingastaður við Hafnartorg

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Auglýsingapláss

Taggaðu okkur á IG

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið