Gulli bakari heiðraður sem kaupmaður ársins 2024

Gunnlaugur Arnar Ingason bakari og konditor

Gunnlaugur Arnar Ingason bakari og konditor betur þekktur sem Gulli bakari var heiðraður kaupmaður ársins 2024 á hátíðarkvöldi Þjóðmála nú um helgina.

„Takk Gísli og félagar fyrir að taka eftir því sem maður er að gera og opna umræðuna og auka áhuga um rekstur fyrirtækja og stjórnmál á Íslandi. Heiður að fá að ávarpa fullan sal af flottum fyrirmyndum, þetta hvetur mann áfram að halda áfram á sömu braut.“

Sagði Gulli í tilkynningu.

Kaupmaður ársins er viðurkenning sem veitt er á Íslandi til einstaklinga sem hafa skarað fram úr í viðskiptum, sérstaklega í verslunarrekstri. Verðlaunin heiðra framúrskarandi árangur, frumkvæði, nýsköpun og framlag til íslensks viðskiptalífs.

Gunnlaugur útskrifaðist sem bakari árið 2017 frá Jóni Arilíusi í Kökulist. Í kjölfarið af útskriftinni hans var förinni heitið til Kaupmannahafnar í konditor nám hjá Conditori La Glace.

„Ég vil gera út á persónulega þjónustu og viðskiptavinir viti að hjá mér eru þau að nálgast gott handverk gert úr gæða hráefni.“

Sagði Gulli í samtali við veitingageirinn.is þegar hann opnaði fyrirtækið Gulli Arnar veisluþjónusta í mars 2020.

Sjá einnig: Gunnlaugur bakari og konditor opnar veisluþjónustu

Mynd: aðsend