Auglýsing um starf framkvæmdastjóra

Við leitum að öflugum framkvæmdastjóra í stjórnunar- og leiðtogastarf hjá Iðunni fræðslusetri.

Leitað er að framsýnum einstaklingi sem hefur faglegan metnað, frumkvæði, forystuhæfileika, þekkingu á nýsköpun og framúrskarandi samskiptahæfni til að leiða 30 manna hóp starfsmanna. Framkvæmdastjóri sinnir daglegum rekstri lðunnar og vinnur að framkvæmd stefnu félagsins.

Helstu viðfangsefni og ábyrgð

• Bera ábyrgð á daglegum rekstri félagsins
• Leiða sjálfbærnivegferð félagsins
• Ýta undir nýsköpun og leita að vaxtartækifærum
• Byggja upp sterkt tengslanet af iðngreinum
• Styðja við stjórnendur og annað starfsfólk og virkja þekkingu þeirra og innsæi
• Byggja upp teymisumhverfi
• Virk samskipti við ytri hagaðila eins og aðildarfélög, starfsfólk í iðngreinum, stjórnvöld í menntamálum, erlenda samstarfsaðila og fjölmiðla

Menntunar- og hæfnikröfur

• Iðn- og/eða háskólamenntun og reynsla sem nýtist í starfinu
• Leiðtogahæfni og geta til að skapa sterka liðsheild
• Brennandi áhugi á þróun þekkingar og færni í iðnaði
• Reynsla af rekstri og mannauðsstjórnun
• Geta til að miðla framgangi á gagnadrifinn hátt
• Framtíðarsýn og stefnumótandi hugsun
• Hæfni til að hafa jákvæð áhrif á forvitnis- og þróunarmenningu
• Skilningur og hæfni til að starfa samkvæmt lagalegum og siðferðilegum kröfum í anda sjálfbærni og gilda félagsins sem eru framsækni, virðing og fagmennska

Umsóknarfrestur er til og með 28. apríl nk. Sótt er um starfið á hagvangur.is.

Nánari upplysingar um starfið veitir Sverrir Briem, sverrir@hagvangur.is.