Veitingastaðurinn Eyrin á Akureyri hættir rekstri

Fyrir rúmlega ári síðan tóku hjónin, Aðalheiður Hannesdóttir og Guðmundur Ragnar Sverrisson, við veitingarekstrinum í Menningarhúsinu Hofi á Akureyri.

Sjá einnig:

Nýr veitingaaðili tekur við rekstri veitingastaðarins í Menningarhúsinu Hofi

Þau sendu frá sér tilkynningu um að loka staðnum þar sem rekstur veitingastaðarins stóð ekki undir sér vegna COVID 19.

Eigendur Eyrinnar eru hjónin, Aðalheiður Hannesdóttir og Guðmundur Ragnar Sverrisson.

Tilkynningin í heild sinni:

„Kæru viðskiptavinir.
Það er með sorg í hjarta sem við tilkynnum það að Eyrin Restaurant hefur verið lokað. Eftir frábærar viðtökur Akureyringa og annarra gesta frá því að við opnuðum haustið 2019 vorum við spennt fyrir því að bjóða upp á dýrindis veitingar við notalegt andrúmsloft í Menningarhúsinu Hofi til framtíðar.

Hinsvegar eftir gríðarlegar áskoranir í kjölfar Covid-19 sem við reyndum að aðlagast eftir fremsta megni með dyggri aðstoð gesta okkar er það orðið ljóst að rekstur Eyrin Restaurant stendur ekki undir sér. Eyrin Restaurant var rekinn af okkur hjónunum Guðmundi og Aðalheiði og voru flutningar norður yfir heiðar með börnum okkar fimm fyrirhugaðir og að allir myndu leggja árar í bát við að skapa framúrskarandi veitingastað á Akureyri. Eftir mikla íhugun höfum við því miður sætt okkur við að vegna áhrifa Covid-19 mun sá draumur ekki verða að veruleika.

Við viljum þakka ótrúlega góðar viðtökur og viðskipti við okkur, það hefur verið okkur ómæld ánægja að taka á móti ykkur síðastliðna 14 mánuði.

Guðmundur og Aðalheiður, Eyrin Restaurant“

Myndir: facebook / Eyrin veitingastaður