Myndir frá Fiskideginum Mikla

Áætlað er að ríflega 30 þúsund manns hafa komið á hátíðarsvæðið við Dalvíkurhöfn. Dagskrá á sviði hófst klukkan 11:00 að morgni og stóð sleitulaust til klukkan 17:00.

Fiskisúpukvöldið sem svo sannarlega hefur slegið í gegn, var haldið í 14. sinn. Súpukvöldið hófst að vanda kl. 20:15 á föstudagskvöldinu en þar buðu íbúar gestum og gangandi heim í fiskisúpu og að njóta einlægrar gestrisni.

Júlíus Júlíusson, framkvæmdastjóri Fiskidagsins mikla

Yfirkokkur hátíðarinnar var Friðrik V. og aðstoðarkokkar voru Arnþór Sigurðsson og Arnrún Magnúsdóttir.

Stærsta pizza Evrópu 120“ og 640 sneiðar í hverri pizzu

Fiskborgararnir voru grillaðir á stærsta færibandagrilli landsins

Sasimistöðin, þar sem að lax, bleikja og hrefna var í boði

Akureyri FISH og Reykjavík FISH buðu upp á Fish and chips

Boðið var upp á sushi sem lagað var á staðnum

Frá upphafi hefur Fiskidagurinn mikli heiðrað þá sem hafa með einhverjum hætti haft áhrif á atvinnusögu okkar og íslenskan sjávarútveg.
Í ár veitti Fiskidagurinn mikli viðurkenningu fyrir framlag til menntunnar sjómanna og heiðraði Júlíus Kristjánsson fyrir hans mikilvæga þátt í uppbyggingu og umsjón með skipstjórnarfræðslu á Dalvík.

Á Fiskideginum mikla frá upphafi hefur Skarphéðinn Ásbjörnsson með hjálp góðra manna sett upp fiskasýningu. Gestafjöldinn var mikill á sýningunni og áhugi og undrun fólks leyndi sér ekki. Fyrir fiskasýninguna í ár bar vel í veiði þar sem að sýningunni barst hákarlstegundin hamarshaus/Hammerhead.

Kvöldtónleikarnir eru eitt aðal aðdráttaraflið á hátíðinni

Enn á ný var lagt af stað með stórtónleika að kvöldi Fiskidagsins mikla. Á sjöunda tug tæknimanna, söngvara og hljóðfæraleikara tóku þátt í þessari stórsýningu. Meðal þeirra sem komu fram voru heimamennirnir Friðrik Ómar, Matti Matt og Eyþór Ingi Gunnlaugsson. Auk þeirra voru Ragnheiður Gröndal, Helga Möller, Helgi Björnsson, Katrín Halldóra, Egill Ólafsson, Jói P og Króli, Jón Jónsson, Páll Rósinkrans og Eiríkur Hauksson.

Dagskráin endaði með risaflugeldasýningu sem Björgunarsveitin á Dalvík sá um.