Nemakeppni Kornax í bakstri – Forkeppnin haldin 2. mars

Sigurvegari í Nemakeppni KORNAX árið 2016 og 2017, Gunnlaugur Arnar Ingason, en hann lauk sveinsprófi í bakaraiðn á síðasta ári.
Mynd: kornax.is

Forkeppni í nemakeppni Kornax í bakstri verður haldin 2. mars næstkomandi. Keppnin fer fram í bakaradeild stofu v207 í Hótel- matvælaskólanum í Menntaskólanum í Kópavogi.

Keppendur

Hópur 1.
Mæting kl 8:30 í Björnsstofu, föst. 2. mars. – kl. 9.00-14:00

• Víðir Valle, IKEA
• Viðar Logi Pétursson, Bikk
• Jófríður Kristjana Gísladóttir, Kruðerí

Hópur 2.
Mæting 14:00 í Björnsstofu, föst. 2. mars. – kl. 14.30-19:30

• Hrólfur Erling Guðmundsson, Hjá Jóa Fel
• Karen Eva Harđardòttir, Brauð & co
• Hákon Hilmarsson, Aðalbakarinn Siglufirði

Úrslit verða kynnt samdægurs um klukkan 20:30.

Keppnisfyrirkomulag og reglur:

A. – 1 stór brauðategund 500 – 800 gr. 10 stk. af teg. Engar nánari skilgreiningar, frjálsar aðferðir.

B. – 1 smábrauðategund 30 stk. á 40 – 80 gr. Þema : morgunverðar brauð. Ekki leyft að rúlla smjörlíki í deigið. Að öðru leyti frjálst.

C. – 3 vínarbrauðstegundir 40 – 70 gr. eftir bakstur. 20 stk. af tegund. Frjáls úrvinnsla úr afgangi af deigi, þó að hámarki úr 500 gr. af deigi.

D. – Skraut stykki. Frjálst þema.

E. – Uppstilling á fyrirfram dúkað borð í Björnsstofu. Stærð ca. 120 x 80 cm. með hvítum dúkum.

Sérstök athygli skal vakin á því að ekkert annað en keppnisframleiðslan er leyfð á borðið.

Tímaröðun keppenda verður tilkynnt síðar

Keppnisreglur í forkeppninni

• Keppendur hafa 5 klst. sem þeir mega nota að vild.
• Ath. allt mjöl og korn skal vera frá Kornax og verður það ásamt öllum grunn-hráefnum á keppnisstað.
• Engar mjölblöndur (brauðamix) eru leyfðar.
• Keppendum er heimilt að nota hjálparefni svo sem gernæringarefni, súrdeig, litarefni o.þ.h. að höfðu samráði við dómara.
• Keppendum er heimilt að koma með slík efni með sér ef þau eru ekki til á keppnisstað en tilkynna skal um slíkt fyrirfram.
• Öll deig skulu vera fyrirfram útreiknuð og nákvæmlega löguð. Deig afgangar mega ekki vera meiri en 250 grömm í hverri deigtegund.
• Reiknuð eru 5 refsistig fyrir hver byrjuð 250 grömm eftir það.
• Keppendur verða að hafa lokið öllum frágangi á vinnustöð og í bakaríi ásamt uppstillingu á 5 klst.
• Reiknuð eru 5 refsistig á hverjar byrjaðar 5 mínútur sem keppandi fer umfram 5 klukkustundir. (keppandi stöðvaður eftir 15 mín.)
• Þegar keppandi hefur lokið öllu skal hann láta dómara vita.
• Keppendur mega koma með skrautdeig útrúllað, tilbúð til að skera út, fyllingar og glassúr.