Góðar viðtökur á nýjum vínbar í Reykjavík – Myndir

Gunni Palli

Nýr vínbar með áherslu af frábæru úrvali af léttvínum: bio, organic vínum og smáréttum opnaði nú fyrir skömmu.  Port 9 er staðurinn og er staðsettur við Veghúsastíg 9 í porti hjá RR hóteli á Hverfisgötu.

Eigandi Port 9 er matreiðslumeistarinn Gunnar Páll Rúnarsson, oft kallaður Gunni Palli á Vínbarnum í daglegu tali.  Hönnunin á staðnum var í höndum þeirra Birtu og Rúnu hjá Furðuverki.

Vel heppnaður vínbar sem býður meðal annars upp á girnilega smárétti ásamt fjölbreyttum vínseðli, en staðurinn opnar á morgnana klukkan 07:00 til 09:30 og opnar svo dyrnar aftur klukkan 17:00 og er opið fram eftir kvöldi.

Port 9 hefur fengið afar góðar viðtökur frá því að hann opnaði og mikil ásókn er á vínbarinn sem er þétt setinn alla daga.

Myndir: facebook / Port 9