Norð–West | Lokakafli | Veitingarýni: Hótel Húsafell

Hótel Edda – Laugarbakki Miðfirði

Vöknuðum árla morguns, ég hafði sofið illa um nóttina og var hálfþreyttur, morgunverkin gerð og mætt í morgunmat og manni til mikillar furðu var virkilega frambærilegur starfsmaður sem sá um viðurgjörninginn.

Morgunmatur.
Hótel Edda – Laugarbakki Miðfirði

Morgunmatur.
Hótel Edda – Laugarbakki Miðfirði

Morgunmatur.
Hótel Edda – Laugarbakki Miðfirði

Smakkaðist hann alveg prýðilega þannig að lokin við þessa heimsókn enduðu bara vel, gengum frá reikningi og skunduðum út i ný ævintýri.

Hótel Húsafell

Næsti áfangastaður var nýja hótelið í Húsafelli og skyldi snæddur þar hádegisverður, fylltum á drykkjarbirgðir í Staðarskála og svo var næsta stopp Húsafell.

Það sem maður tekur fyrst eftir er hvað hótelið fellur vel inn í landslagið og maður er næstum kominn að því þegar maður sér það og er maður kemur upp að því, þá sér maður að það hefur verið hugsað fyrir aðgengi fatlaðara og öll umgjörð er fagmannleg, hlýlegt viðmót og falleg bygging.

Inn í veitingastaðnum tekur þjónninn á móti okkur og býður til sætis og tjáir okkur að það sé vilji eldhússins að ráða för í matnum og erum við ekki lengi að samþykkja það, drykkir koma á borðið og svo hefst veislan.

Skelfisksúpa – Bláskel, leturhumar og hörpuskel

Skelfisksúpa – Bláskel, leturhumar og hörpuskel

Fallega framborin, ósvikið skelfiskbragð þannig að augabrýrnar lyftust á manni, glæsileg byrjun.

Grillaðir kóngakrabbaleggir – Hvítlaukur og hvítlauksflögur

Einfalt en svakalega gott, næstum betra en humar.

Salat dagsins, með gulrófum, rauðrófum, sykruðum valhnetum, og ljóti. Svo var jarðskokkachips og pekan og rauðrófu reduction.

Skemmtileg samsetning á bragði úr rófunum og ostinum, frískandi og fallegt.

Grillaður lax – Brúnað blómkál, blómkálsmauk, bok choy, marineraðar gúrkur og dill

Hárfín eldamennska á fiskinum, meðlætið tónaði vel saman svo úr varð góður réttur.

Lambatvenna – Grillaður lambahryggvöðvi og lambaöxl, döðlur, pönnusteiktar rófur, pave kartöflur, rabarbara og rófusósa

Þessi samsetning kom bara ansi vel út, svolítið þjóðleg í annan endann, en það var það skemmtilega við hana, flottur réttur.

Þeytt skyr – Marengs, birkisíróp, rauð og græn jarðarber, hvítsúkkulaðimús og ristað hvítt súkkulaði

Mjög frískandi og góð blöndun á bragði, fyrirtaks réttur.

Melónusalat, earl grey te, hvítt súkkulaði og basil sorbet

Þessi réttur var helst til framandi og ekki í tengslum við aðra rétti.

Þjónustan var óaðfinnaleg og gaman að upplifa svona góða fagmennsku bæði í þjónustu og mat við rætur jökuls.

Þökkuðum við fyrir okkur og héldum för áfram í bæinn, þess fullvissir að þarna ættum við eftir að koma oftar og njóta þeirrar upplifunar út í ystu æsar.

Fleira tengt efni:

Norð–West | Kafli 1 | Veitingarýni: Galito á Akranesi og Borgin á Skagaströnd

Norð–West | Kafli 2 | Veitingarýni: Kaffi Krókur og Hótel Edda á Laugarbakka í Miðfirði