Hótel Húsafell – Veitingarýni

Norræn matargerð með alþjóðlegum áhrifum einkennir veitingastaðinn á Hótel Húsafelli. Hótel Húsafell sem er hið glæsilegasta opnaði í byrjun júlí í fyrra, en hótelið er fellt inn í landslagið og skóginn og er staðsett á milli þjónustumiðstöðvar og sundlaugar á Húsafelli.

Öll umgjörð er glæsileg, falleg bygging.

Undirritaður kíkti á veitingastaðinn á hótelinu og var fimm rétta sælkeramatseðill fyrir valinu.

Fyrst kom smakkið:

Grafið ærkjöt

„Dúnamjúkt kjöt og bragðgott yfir heildina. Góð byrjun, lofaði virkilega góðu.“

Skelfisksúpa

Skelfisksúpa
Bláskel, humar og hörpuskel

„Gott skelfiskbragð, fersk og einstaklega góð súpa“

Laxatvenna
Grafinn lax, laxatartar, sítrónugras majónes, ólífuolía, snjór, laxahrogn, dillolía og engifer hlaup

„Góð samsetning og engifer hlaupið gaf gott bragð með laxinum“

Heitreykt gæsabringa
Gæsa og andalæra confit, aðalbláber og bankabygg

„Þvílík snilld, og það lá við að biðja um meira, mjög góður réttur.“

Grillaður lambahryggvöðvi
Lambaöxl, döðlur, pönnusteiktar rófur, Pave kartöflur, rabarbara og rófusósa

„Lambið klikkar ekki ef það er rétt eldað og það kunna fagmenn eldhússins greinilega. Virkilega góður réttur og hráefnið fékk að njóta sín.“

Hamborgari
Franskar og tómatsósa

„Krakkarnir fengu sér hamborgara og voru mjög ánægð og höfðu orð á því að hann væri bragðgóður.“

Skyr
Hvítsúkkulaði krem, bláberjaís, brúnað súkkulaði og aðalbláber

„Váv, hvað þessi eftirréttur var ferskur og góður. Flottur endir á góðu kvöldi.“

Starfsfólk var með hlýtt viðmót, en þjónustuna mætti þó fínpússa á köflum hvað varðar fagmennskuna.

Eldhúsið fær alveg toppeinkunn.