AALTO Bistro í Norræna húsinu | Veitingarýni

Nýlega opnaði Sveinn Kjartansson þennan stað, þar sem áður var Dill, og ákváðum við félagarnir að taka hús á honum, sjá og smakka hvað hann hefði upp á að bjóða.

Fengum við okkur sæti og eftir að hafa lesið matseðillinn, þá pöntuðum við eftirfarandi:

Brauð og smjör

Sætkartöflumauksúpa með heimabökuðu brauði og smjöri

Var hún bara prýðileg og brauðið einnig.

Kúrbítskryddjurtafrittata með stökku rótargrænmeti

Þvílíkt sælgæti, hárfín eldun á rótargrænmetinu, létt bit í því.

Köfta lambakjötsbollur og marokkóskar merqespylsur með hvítlauksósu og ofnbökuðum kartöflum

Enn einn afburðarréttur, það besta sem ég hef smakkað í marokkóskum mat.

Brokkolibaka með fersku salati og frönskum geitarosti

Skemmtileg útfærsla og alveg svakalega góð.

Bökuð ostakaka með bláberjahlaupi

Mjög góð.

Þessi upplifun var bara mjög áhugaverð og finnst mér það flott að menn eins og Sveinn Kjartansson fer sínar eigin leiðir, en er ekki með áhyggjur um hvað staðurinn næst honum er að gera. Þetta er grunnurinn að aukinni flóru á veitingastöðum og veitir mótspyrnu við hjarðeðlinu sem enn sjást merki um.

Þjónustan var látlaus og góð, tónlist í takt við þema staðarins, verður gaman að fylgjast með framvindu mála í Norræna Húsinu.