Royal Palm South Beach opnar á ný eftir 12,5 milljarða króna endurbætur

Móttökusvæði og anddyri hótelsins hafa fengið nýtt útlit eftir umfangsmiklar endurbætur.

Hótelið Royal Palm South Beach Miami, sem er í eigu Park Hotels & Resorts, hefur opnað á ný eftir umfangsmiklar endurbætur sem kostuðu um 12,5 milljarða króna. Framkvæmdirnar eru hluti af áframhaldandi uppbyggingu félagsins á hótelasafni sínu.

Hótelið býður nú upp á 404 endurnýjuð herbergi og svítur, þar af 11 ný herbergi, sem eru í austur- og vesturálmu hótelsins og Lanai-byggingunni.

Fjórir nýir veitingastaðir og vínbarir

Einn af nýjum veitingastöðum Royal Palm South Beach Miami sem opnaði eftir umfangsmiklar endurbætur.

Með endurbótunum hefur móttökusvæði hótelsins verið endurhannað, fjórir nýir veitingastaðir og vínbarir hafa verið opnaðir og sundlaugar- og strandaðstaða bætt. Þá hefur ráðstefnu- og viðburðaaðstaða verið stækkuð og endurnýjuð og er nú um 1.860 fermetrar að stærð.

Að sögn fyrirtækisins er gert ráð fyrir að rekstrarafkoma hótelsins muni batna verulega þegar starfsemin hefur náð fullum styrk.

Hluti af stærri uppbyggingu

Thomas Baltimore Jr., stjórnarformaður og forstjóri Park Hotels & Resorts, segir í tilkynningu að fyrirtækið hafa fjárfest fyrir rúmlega 53 milljörðum króna í endurbótum á hótelum sínum frá árinu 2018.

Á síðustu misserum hefur félagið meðal annars lokið framkvæmdum við hótel í Orlando, Santa Barbara og Key West. Einnig hafa herbergi verið endurnýjuð á nokkrum Hilton-hótelum, meðal annars á Hawaii og í New Orleans.

Heldur áfram að endurskipuleggja eignir félagsins

Samhliða fjárfestingum hefur Park Hotels & Resorts unnið að sölu hótela sem teljast ekki til kjarnareksturs félagsins. Í desember greindi fyrirtækið frá því að það hefði selt eða gert samninga um sölu á fimm slíkum hótelum fyrir samtals um 25 milljarða króna.

Forstjóri félagsins segir jafnframt að Miami sé áfram einn sterkasti hótelamarkaður Bandaríkjanna, sem styðji við áframhaldandi fjárfestingar á svæðinu.

Myndir: royalpalmsouthbeach.com