25 Best Chefs – Iceland fagnað með glæsilegum kvöldverði á Vox Brasserie

Útgáfa bókarinnar 25 Best Chefs – Iceland verður fagnað með einstökum kvöldverðarviðburði á Vox Brasserie, 6. nóvember, þar sem sjónum er beint að fremstu matreiðslumönnum landsins. Bókin er gefin út af hinum virta breska útgefanda Peter Marshall, sem kemur sjálfur til landsins í tilefni útgáfunnar og verður heiðursgestur kvöldsins.

Sjö af kokkunum sem prýða bókina hafa tekið höndum saman og útbúið sjö rétta deilimatseðil sem byggir á uppskriftum þeirra úr bókinni. Réttirnir endurspegla fjölbreytni, fagmennsku og skapandi nálgun íslenskra matreiðslumeistara sem hafa haslað sér völl á hæsta stigi. Matseðillinn verður aðeins í boði þennan eina dag og gefur gestum einstakt tækifæri til að upplifa matargerð á heimsmælikvarða í nánu samstarfi við þá sem standa að baki bókinni.

Viðburðurinn hefst með fordrykk í Vox Lounge klukkan 18:30 þar sem gestir fá tækifæri til að hitta kokkana og hitta kokkana og ræða um matargerðina áður en haldið er til borðs. Þjónar leiða gesti til borðs í þremur hópum eftir að fordrykkurinn hefur verið afgreiddur.

Sjö rétta deilimatseðillinn kostar 16.900 krónur á mann og lofar kvöldi þar sem matargerð, metnaður og íslensk matarmenning mætast í sinni fegurstu mynd.

Gísli Matt – NÆS

Þorskroð með gerjuðum radísum, hrogna- og piparrótarsósa.

Gabriel Kristinn – Kokkur ársins 2025

Hörpuskel með wasabi-olía og wasabisósu

Gunnar Karl – Dill Restaurant

Snæsniglaseyði með greni & bjóredik

Friðgeir & Sveinn Þorri – EIRIKSSON Brasserie

Trufflu gnocchi með hvítvínssósu

Siggi Gísla – GOTT & Gísli Matt – NÆS

Þorskhnakki með villisveppasmjörskel

Gljáður Þorskhaus

Viktor & Hinni – LÚX Veitingar

Lamba Wellington með bökuðum portobello sveppum, hollandaise-froðu og rauðvínssósu.

Snædís Xyza Mae Jónsdóttir – Fröken Reykjavík

Eplasorbet með sítrónusmjöri, saltkaramellu og ávaxta pâté

Borðapantanir hér.