Íslenskir fagmenn áberandi á Food & Fun Festival í Turku 2025

Á næstu dögum fer fram glæsileg matarhátíð í Turku í Finnlandi, þar sem 15 alþjóðlegir gestakokkar taka höndum saman með fremstu veitingastöðum borgarinnar. Hátíðin fer fram dagana 8. til 12. október 2025 og eru íslenskir fagmenn áberandi á meðal þátttakenda.

Á meðal þeirra sem boðið hefur verið til hátíðarinnar eru Axel Þorsteinsson bakari og konditor og Leifur Kolbeinsson matreiðslumeistari á La Primavera í Reykjavík. Þeir munu báðir skapa einstaka matreiðsluupplifun í samstarfi við virta veitingastaði í Turku.

Axel Þorsteinsson

Axel Þorsteinsson og Colibrí Jiménez á Move5D

Axel Þorsteinsson, eigandi Hygge Coffee & Micro Bakery í Reykjavík, er margverðlaunaður bakari og konditor með yfir tvo áratugi af alþjóðlegri reynslu. Hann hefur starfað fyrir heimsþekkt fyrirtæki á borð við Bouchon Bakery, Princi og Dean & DeLuca og hlotið viðurkenningar bæði heima og erlendis.

Colibrí Jiménez

Með honum í Turku verður mexíkóska kokkakonan Colibrí Jiménez, sem hefur sérhæft sig í upprunalegri mexíkóskri matargerð og nýtingu lækningajurta. Hún hefur komið fram í þáttum á Netflix og Amazon Prime og rekur veitingastaðinn Tierra de Nadie.

Saman munu þau skapa matseðil í samstarfi við Move5D, þar sem bragðfléttur frá ólíkum heimshlutum mætast í innblásinni heild.

Menu – Axel x Colibri x Move5D
8.–12. október 2025 – Verð: 170 € (drykkjapörun innifalin)

• Lapland “Puikula” Potato, Sour Cream & Vendace Roe

• Edible Oyster Shell, Nordic Wasabi & Rossini Caviar

• Danish Rye Bread & Burnt Butter

• Mushrooms with Oaxaca Black Mole & Hoja Santa Tortilla

• Marbled Beef, Corn & Red Salsa Tatemada

• Lemon Verbena & Redcurrant

• Grilled Chicken, Juiced Cucumber & Coconut

• Almond Cake, Compressed Apple & Hokkaido Ice Cream

Máltíðin verður upplifuð í heillandi umhverfi Move5D, þar sem matarlist og upplifun renna saman í eitt.

Leifur Kolbeinsson

Leifur Kolbeinsson á Sergio’s Ravintola

Einnig tekur þátt Leifur Kolbeinsson, eigandi La Primavera í Reykjavík sem er einn elsti veitingastaður landsins. Leifur hefur verið áberandi í íslenskri matargerð í áratugi, allt frá því hann stofnaði La Primavera árið 1991, og síðar sem meðstofnandi umfangsmikillar veisluþjónustu í Hörpu.

Leifur lýsir starfi sínu sem æskudraumi og segir ástríðuna liggja í því að læra stöðugt nýja hluti og tengjast öðrum sem deila sömu eldmóði fyrir matargerð.

Menu – Leifur Kolbeinsson x Sergio’s Ravintola
Verð: 76 €

First Course – Choose 1

• Icelandic Baccalà from Ektafiskur, with aioli and caponata

• Charred Gem Salad, with aioli and caponata

Second Course

• Tagliatelle with parmesan cream, mixed mushrooms, cured egg yolk and grated parmesan

Third Course – Choose 1

• Slow-Cooked Veal, with Dulsa Verde, soft polenta and roasted hispi cabbage

• Salt-Baked Celeriac, with Dulsa Verde, soft polenta and roasted hispi cabbage

Fourth Course

• Date Cake, with hazelnut sauce, skyr ice cream and rhubarb cake crumble

Matarveisla sem sameinar lönd og menningarheima

Food & Fun Festival í Turku lofar að verða einstök upplifun þar sem 14 veitingastaðir borgarinnar bjóða gestum að upplifa nýja sýn á matargerð. Með íslenskum, mexíkóskum og finnska hráefninu í brennidepli má búast við að bragðlaukarnir ferðist um lönd og menningarheima í einni kvöldstund.