36% sýrður rjómi kominn aftur á markað

Vegna mikillar eftirspurnar er sýrður rjómi með 36% fituinnihaldi nú loks fáanlegur aftur. Sýrður rjómi hentar sérstaklega vel í sósur, súpur og hverskonar matargerð. Einnig er hann mjög góður sem ídýfa og smellpassar fyrir þá sem eru á ketó mataræði.

Sýrði rjóminn er framleiddur í vinnslustöð MS á Selfossi og er að sjálfsögðu einnig fáanlegur í 5 lítra fötum fyrir veitingahús og stórnotendur. Sé frekari upplýsinga óskað þá vinsamlega hafið samband við sölumenn MS í síma 450-1111.

Til gamans látum við fylgja með uppskrift að frábæru avókadósalati þar sem sýrði rjóminn setur punktinn yfir i-ið.

Avókadósalat með eggjum og sýrðum rjóma

Avókadósalat með eggjum og sýrðum rjóma

2 lítil avókadó, hreinsuð og skorin í teninga
6 harðsoðin egg, skorin í báta
8 beikonsneiðar
2 msk. 36% sýrður rjómi frá MS
2 msk. majónes (má sleppa)
2 tsk. sítrónusafi
1/2 bolli ferskt kóríander
salt og pipar eftir smekk

Blandið saman í skál; eggjabátum avókadóteningum, beikoni, sýrðum rjóma, majónesi, kóríander og sítrónusafa. Skreytið með beikoni og kóríander. Borðið með grófu brauði eða sem salat.

Fyrir þá sem eru á LKL- eða Ketó-mataræði er upplagt að rúlla salatinu upp í kálblöð og njóta þannig.