Nýr yfirkokkur á veitingastaðnum Aurora á Akureyri

Ómar Stefánsson

Nýr yfirkokkur hefur verið ráðinn á veitingastaðinn Aurora á Icelandair Hótel Akureyri. Það mun vera hann Ómar Stefánsson sem lærði fræðin sín í Danmörku á veitingastaðnum Saison í Hellerup á árunum 2003 til 2007. Hann er 33 ára gamall og hefur unnið á Vox, Dill, Snaps og nú síðast á Slippbarnum á Marina Hótel.

Freisting.is heyrði í honum og forvitnaðist um nýjan matseðil sem fer í gang á næstu dögum.

„Við munum stíla inn á að nota sem mest hráefni úr fallegu sveitinni hér fyrir norðan og allt sem ferskast. Matseðillinn stendur saman af 4 forréttum, 4 aðalréttum og 3 eftirréttum, og verður breytilegur eftir árstíð. Bara gaman“ segir Ómar hress.

Hér má sjá nokkra rétti sem verða á nýja matseðlinum:

Veisla úr Eyjafirðinum
Kræklingur gufusoðin í kalda bjór, franskar, estragon og hvítlauks aioli

Rauðspetta og hörpuskel
Steikt rauðspetta og hörpuskel, heimalagað remúlaði, grænkál, brúnað smjör og söl

Nautasteikin
Grilluð ribeye steik, jarðskokkar, blaðlaukur, bakaðar kartöflur og ferskt salat

Hvítt súkkulaði og jarðaber
Hvítsúkkulaðimús, jarðaber frá Eiríki á Silfurtúni, estragon og stökkt haframjöl

Ómar tekur við starfinu af Hallgrími Jónassyni sem er fluttur til Noregs að vinna á Nordfjord Hotellí Nordfjordeid.

Freisting.is óskar þeim báðum góðs gengis á nýjum stöðum.

/Kristinn