Nýr veitingastaður – Múlaberg Bistro & Bar

Nú um síðustu helgi er búið standa yfir „Soft opening“ á Veitingastaðnum Múlaberg Bistro & Bar sem er staðsettur á Hótel Kea á Akureyri.  Miklar breytingar hafa verið gerðar síðustu mánuðum, en búið er að færa afgreiðsluna fyrir hótelið og þar með losnaði mikið pláss fyrir Múlaberg og lítur staðurinn mjög vel.  Formleg opnun verður föstudaginn næsta 21. júni næstkomandi.

Á meðal rétta á matseðlinum er:

Humarkokteill:
Marineraður Humar með myntu og súraldin, lárpera, karsi, blóðgreip og eldpipar majónes

Laxatartar:
Rauðrófugrafinn og nýr lax, capers, piparrótarmajónes, maltbrauðteningar og sítróna til að kreista yfir

Hani í Víni, Coq au Vin:
Klassískur franskur réttur úr kjúklingi, beikoni, grænmeti og rauðvínssoði

Croque Monsieur:
Grilluð samloka með silkiskorinni skinku, Emmenthaler osti og Dijon sinnepi

Franskar:
Heimatilbúnar franskar með truffluolíu og parmesanosti

Súkkulaðitart:
Ganache súkkulaðifylling í stökkum botni og þeyttur rjómi

Freisting.is óskar eigendum Kea Hótela og starfsfólki staðarins til hamingju með nýja staðinn og góðs gengis í framtíðinni.