Veitingastaðurinn Viðvík opnar

Viðvík er nýr veitingastaður, en hann opnaði í júlí s.l. Staðurinn er staðsettur við þjóðveginn á leið frá Hellissandi og eru það bræðurnir Gils Þorri og Magnús Darri ásamt mökum þeirra, Anítu Rut og Helgu sem stóðu að opnun Viðvíkur. Foreldrar bræðranna, hjónin Kristín Gilsfjörð og Sigurður V. Sigurðsson stóðu einnig að uppgerð, skipulagningu og framkvæmdum staðarins.

Viðvík tekur um 40 manns í sæti.

Um er að ræða gamalt hús sem var byggt árið 1942 og hefur verið gert upp og lítur alveg einstaklega vel út og býður staðurinn upp á frábært útsýni til Snæfellsjökuls, yfir Breiðafjörð og Krossavíkina.

Framkvæmdir í júlí s.l.

Glæsilegt veitingahús

Huggulegt er það

Staðsetningin minnir aðeins á Michelin veitingastaðinn KOKS í Færeyjum eins og sjá má á meðfylgjandi google korti sem tekið var fyrir um 3 árum síðan.  Gamla Viðvík húsið er fyrir miðju með rautt þak, en hefur nú verið tekið allt í gegn bæði innan og utan.

Gils Þorri Sigurðsson er yfirkokkur á Viðvík, hann er matreiðslumaður að mennt og sér einnig um rekstur fyrirtækisins, en hann lauk sveinsprófi árið 2014 frá Gallery restaurant/Hótel Holt.  Gils hefur til að mynda tekið þátt í keppninni Eftirréttur ársins 2014.

Mat-, og vínseðillinn er flottur, hnitmiðaður, ekkert flækjustig og valkvíði í gangi:

Pönnusteiktur þorskhnakki, kremað bankabygg, gljáð gulrót, sólselja og þurrkuð parmaskinka

Carpaccio
hrossalund, heimagert trufflu-majones, shallot vinaigrette, stökkir sveppir og parmesan

Hægeldað lamb, jarðskokkar, rauðbeður, grænkál og soðsósa

Bláskel úr Breiðafirði, hvítvín og kryddjurtir

Þeytt skyr, noisette financier og sellerírótar karamella

„Delicious food and great service“

„The very best of service and quality“

„Gourmet dinner, beautiful house,great service and stunning location. Probably best carapaccio you’ll ever find“

, eru á meðal ummæla á TripAdvisor sem að gestir hafa skrifað um veitingastaðinn Viðvík.

Hér er um ræða veitingastað sem vert er að heimsækja.  Viðvík er opinn frá 17:30 til 22:00 alla daga og lokað á mánudögum.

Myndir: facebook / Viðvík Restaurant og Lea Hrund