Veitingastaðurinn Brixton opnar formlega

Brixton er staðsettur á Tryggvagötu 20

Brixton er nýtt “slædera” konsept þar sem boðið er uppá skemmtilegt úrval af hamborgurum í smárétta stíl. Brixton opnaði dyr sínar fyrr í vikunni með mjúk opnun en opnar nú formlega um helgina.

Á matseðlinum má finna 8 mismunandi tegundir af „slæderum“, ásamt spennandi sósum og fjölbreyttu úrvali drykkja. Það sem verður í boð er t.d. brisket-slæder, ostborgara-slæder, kjúklinga-slæder og fyrir þá sem vilja aðeins meira vesen þá er mælt með reyktu svínasíðu-slædernum. Brauðin eru sérbökuð fyrir staðinn af Ásgeiri hjá Sandholt sem eru sæt kartöflu brauð í “slædera” stærð.

Að Brixton standa Helgi Svavar Helgason, Sigurður Gunnlaugsson, Róbert Aron Magnússon og Guðmundur Gunnarsson, en þetta reynslumikla teymi hefur áður staðið að fjölmörgum veitingastöðum og stórviðburðum í gegnum tíðina.

Brixton er staðsettur á Tryggvagötu 20 – beint á móti Listasafni Reykjaríkur og er opinn sunnudaga til fimmtudaga frá 11:30 – 22:00 og föstudaga til laugardaga frá 11:30 – 23:30. Það verða frábær tilboð í gangi alla helgina og næstu vikurnar.

Jón Gnarr yngri betur þekktur sem Nonni Gnarr gæðir sér á “slædera”

Myndir: aðsendar