Uppskrift – Klassísk Íslensk kjötsúpa

Íslensk kjötsúpa

Hráefni

800 gr. feitt súpukjöt

1,6 L vatn

8 stk. nýjar kartöflur

2 stk. rófur

8 stk. gulrætur

40 gr. þurrkaðar súpujurtir (helst með skessujurt)

Íslenskt sjávarsalt

Aðferð

1. Þessi uppskrift er einföld og þægileg. Byrjið á að setja lambakjöt í pott og skolið vel í köldu vatni, hellið vatninu af, og setjið 1,6 l af vatni útí. Setjið pottinn á hellu á miðlungshita og bíðið eftir suðu.
2. Á meðan að suðan er að koma upp, skerið nýjar kartöflur í fjóra bita, rófur í 6-8 bita hvora og gulrætur í 6-8 bita.
3. Þegar suðan er komin upp, fleytið froðuna sem kemur í fyrstu suðu og næsta korterið. Passið að sjóði rólega allan tímann.
4. Bætið í kartöflum, súpujurtum, gulrótum og látið sjóða í 30 min, bætið þá rófum við og sjóðið þar til þær eru eldaðar í gegn. Smakkið súpuna til með salti og berið fram rjúkandi heita.

Mynd og uppskrift: islensktlambakjot.is