Uber Eats höfðar mál gegn DoorDash vegna meintra einokunaraðferða

Uber Technologies hefur höfðað mál gegn DoorDash og sakar keppinautinn um einokunaraðferðir sem leiða til hærri kostnaðar fyrir veitingastaði og neytendur.

Í kæru sem lögð var fram í héraðsdómi í Kaliforníu segir Uber að DoorDash þvingi veitingastaði til að starfa eingöngu með þeim með hótunum um hærri þóknanir ef þeir vinna einnig með Uber Eats. Uber krefst ótilgreindra skaðabóta og dómsúrskurðar sem krefur DoorDash til að breyta viðskiptaháttum sínum, að því er fram kemur á fréttavefnum Reuters.

DoorDash hafnar þessum ásökunum og kallar þær tilefnislausar, en talsmaður fyrirtækisins sagði:

„Málsókn Uber hefur enga stoð. Fullyrðingar þeirra eru órökstuddar og byggja á vanhæfni þeirra til að bjóða veitingastöðum, neytendum eða sendlum betri valkosti.“

Samkeppni á TakeAway-markaðnum hefur aukist verulega eftir COVID-19 faraldurinn, þar sem DoorDash heldur nú um 63% markaðshlutdeildar, á meðan Uber Eats er með 25%. Uber heldur því fram að aðferðir DoorDash hafi kostað fyrirtækið milljónir dollara í tekjum og takmarkað vöxt Uber í TakeAway þjónustu.

Þetta mál varpar ljósi á harða samkeppni á TakeAway-markaðnum og þá erfiðleika sem veitingastaðir standa frammi fyrir þegar þeir reyna að vinna með mörgum þjónustuaðilum.

Mynd: úr safni